تحضير وتجميد الناجيتس أو نوكيط الدجاج
المكونات :
ناخدو 500غ صدر الدجاج مقطع رقيق.. ونعملوه يتطحن مع فص ثوم و 1 م ص سكين جبير طري وعصير نصف حامضة والملح حسب الذوق .. ، ملي يتطحن مزيان يبسطوه بين 2 بلاستيكات باش نقطعوه بالقطاعات او المراشم حسب الرغبة وهذا اختياري ، نشكلوهم حسب الرغبة وندخلوهم للثلاجة شوية يشدو راسهم
تحضير الشابلير:
كمية من الشابلير تقريبا كاس، رشة ملح، سودانية حسب الذوق ، فلفل اسود ، نص معلقة صغيرة خرقوم بلدي ، ربع معلقة صغيرة تحميرة ، شوية الزعيترة والازير يابسين ..، نخلطو الشابلير مع التوابل والمنسمات ونخليوها جانبا ...
بإيناء آخر نعملو الفورص.. ، وبإيناء ثالث نعملو 2 بيضات مطربين مع نصف كاس ماء مع معلقة كبيرة ونصف صلصة الصوجا الخفيفة .
نمررو قطع الناجتس أو الكروكيط أولا بالدقيق ثم البيض ثم الشابلير ،ونستفوهم في بلاطو فوق بلاستيك غذائي او ورق الطبخ وندخلوهم المجمد.. ، ملي يجمدو نجمعوهم فساشي ونحتافظو بهم في المجمد لوقت الاستعمال.
كنقليوهم بالزيت او نرشهم بزيت الزيتون وندخلوهم للفرن.
بالصحة والراحة.
تعليقات
إرسال تعليق